nsarma2000

2023 ഒക്ടോബർ  14  ന് പന്തളം കടയ്ക്കാട് ശ്രീഭദ്രകാളി ക്ഷേത്ര ഓഡിറ്റോറിയത്തിൽ  നടക്കുന്ന സനാതനസുധയുടെ മൂന്നാമത്  വിജ്ഞാനവിചാര സദസ്സിന്റെഉദ്‌ഘാടനസഭയിൽ  ആദരണീയനായ ഡോ. അലക്സാണ്ടർ ജേക്കബ്ബ് മുഖ്യാതിഥിയാവും. . രാവിലെ 9:30 ന് ആരംഭിക്കുന്ന സെമിനാറിൽ പൂജനീയ സ്വാമിനി ദേവി  ജ്ഞാനഭനിഷ്ഠാനന്ദഗിരി,   ഡോ. പി. വി. വിശ്വനാഥൻ നമ്പൂതിരി, ഡോ.സി.ടി. ഫ്രാൻസിസ്, ഡോ. ഹരികൃഷ്ണ ശർമ്മ  എന്നിവർ വിവിധ വിഷയങ്ങളിൽ പ്രബന്ധങ്ങൾ  അവതരിപ്പിക്കും. സമാപനസഭയിൽ യോഗക്ഷേമസഭ പ്രസിഡന്റ് ശ്രീ അക്കീരമൺ കാളിദാസഭട്ടതിരി അനുഗ്രഹഭാഷണം നടത്തും.  ഡോ. പി.വി. വിശ്വനാഥൻ നമ്പൂതിരിയുടെ സനാതനസുധ എന്ന ഗ്രന്ഥത്തിന്റെ വിശകലനവും  ഇതോടനുബന്ധിച്ച് നടക്കും.  ഗീതാപ്രചാരകസമിതി പത്തനംതിട്ട,  മൂവാറ്റുപുഴ സനാതന സ്കൂൾ ഓഫ് ലൈഫ്, എന്നിവരാണ് സംഘാടകർ. വിശദമായ പരിപാടി അറിയുവാൻ https://online.fliphtml5.com/syymr/abdd Registration സനാതനസുധ_തൃതീയ വിജ്ഞാനവിചാരസദസ്സിന്റെ സുഗമമായ നടത്തിപ്പിനും മുന്നൊരുക്കങ്ങൾക്കുമായി ഈ സെമിനാറിൽ പങ്കെടുക്കുന്നവരുടെ വിവരങ്ങൾ ശേഖരിക്കുന്നതിനായുള്ള ഒരു ഗൂഗിൾ ഫോം ഇതോടൊപ്പം ചേർക്കുന്നു . പങ്കെടുക്കുന്ന എല്ലാവരും ഫോം പൂരിപ്പിക്കുമല്ലോ ഒന്നിൽ കൂടുതൽ പേർ ഒരുമിച്ച് വരുന്നവർ [...]

ഇന്ത്യൻ ജനാധിപത്യം ഭാരതീയ ദർശനത്തിലധിഷ്ഠിതമാണെന്ന് ഗവർണർ ആരിഫ് മുഹമ്മദ് ഖാൻ പറഞ്ഞു. ആൺ പെൺ വ്യത്യാസമില്ലാതെ എല്ലാ ജിവജാലങ്ങളെയും സമഭാവനയോടെ കാണുന്ന ദർശനമാണത്. ഇന്ദ്രിയങ്ങളെ നിയന്ത്രിക്കാനും ദാനം ചെയ്യാനും സഹജീവികളോട് കരുണ പുലർത്താനും കഴിയുകയെന്നതാണ് അതിന്റെ മഹത്വം. ഇന്റർ നെറ്റിലൂടെ ലോകത്തെ പരസ്പം ബന്ധിപ്പിക്കാമെങ്കിൽ ആത്മാവ്‌കൊണ്ട് ജീവജാലങ്ങളെ ബന്ധിപ്പിക്കാമെന്ന് മനസ്സിലാക്കാൻ എന്താണ് പ്രയാസം. ഈ സ്പിരിച്വൽ കണക്ടിവിറ്റിയേക്കുറിച്ചാണ് നമ്മുടെ ആചര്യൻമാർ വിശദീകരിക്കുന്നതെന്നും ആരിഫ് മുഹമ്മദ് ഖാൻ പറഞ്ഞു. കേരളകാശി എന്ന് പ്രസിദ്ധമായ മൂവാറ്റുപുഴ ആനിക്കാട് തിരുവുംപ്ലാവിൽ മഹാദേവ ക്ഷേത്രത്തിൽനടന്ന വിജ്ഞാന വിചാരസദസ്സിന്റെ സമാപനസഭയിൽ മുഖ്യാതിഥി ആയി സംസാരിക്കുകയായിരുന്നു അദ്ദേഹം. പ്രമുഖ സംസ്കൃത പണ്ഡിതനും റിട്ട. കോളേജ് പ്രൊഫസറുമായ ഡോ. പി. വി. വിശ്വനാഥൻ നമ്പൂതിരി ലോക്ക് ഡൌൺ സമയത്ത് ഓൺലൈൻ ആയി നടത്തിയ സനാതനധർമപരിചയം ക്ലാസ്സുകളുടെ സമാഹാരമായ സനാതനസുധ എന്ന പുസ്തകവുമായി ബന്ധപ്പെട്ടും, വേദോപനിഷത്തുകൾ പഠനപരിപാടിയുടെ 101 ക്ലാസുകൾ പൂർത്തിയായതിന്റെയും ഭാഗമായാണ് സെമിനാർ സംഘടിപ്പിച്ചിട്ടുള്ളത്. സനാതനസ്കൂൾ ഓഫ് ലൈഫ് - മൂവാറ്റുപുഴ, ഗീതപ്രചാരകസമിതി [...]

2023 ജൂൺ 18 ന് മൂവാറ്റുപുഴ ആനിക്കാട് തിരുവുംപ്ലാവിൽ മഹാദേവ ക്ഷേത്രത്തിൽ നടക്കുന്ന വേദോപനിഷത്തുകൾ വിജ്ഞാനവിചാര സദസ്സിന്റെ സമാപനസഭയിൽ ബഹു. കേരള ഗവർണർ ശ്രീ ആരിഫ് മുഹമ്മദ് ഖാൻ മുഖ്യാതിഥിയാവും. രാവിലെ 9:30 ന് ആരംഭിക്കുന്ന സെമിനാറിൽ പൂജനീയ സ്വാമി നന്ദാത്മജാനന്ദ, ഡോ. പി. വി. വിശ്വനാഥൻ നമ്പൂതിരി, ഡോ.സി.ടി. ഫ്രാൻസിസ്, ശ്രീ കിഴക്കേടത്ത് മാധവൻ നമ്പൂതിരി എന്നിവർ വിവിധ വിഷയങ്ങൾ അവതരിപ്പിക്കും. ഓൺലൈൻ പഠിതാക്കളുടെ സംഗമവും ഇതോടനുബന്ധിച്ച് നടക്കും. ഡോ. പി.വി. വിശ്വനാഥൻ നമ്പൂതിരിയുടെ സനാതനസുധ എന്ന ഗ്രന്ഥത്തിന്റെ വിശകലനവും പഠിതാക്കളുടെ സംഗമവും ഇതോടനുബന്ധിച്ച് നടക്കും. ഡോ. പി.വി. വിശ്വനാഥൻ നമ്പൂതിരിയുടെ സനാതനധർമ്മപരിചയം, വേദോപനിഷത്തുകൾ എന്നിവയുടെ 151 ഓൺലൈൻ ക്ലാസുകളുടെ പൂർത്തീകരണ വേളയിലാണ് ഈ സെമിനാർ സംഘടിപ്പിക്കപ്പെടുന്നത്. മൂവാറ്റുപുഴ സനാതന സ്കൂൾ ഓഫ് ലൈഫ്, ഗീതാപ്രചാരകസമിതി പത്തനംതിട്ട , പ്രസരം സംസ്കൃതസമാജം - തൃക്കൈക്കാട്ട് സ്വാമിയാർമഠം എന്നിവരാണ് സംഘാടകർ. വിശദമായ പരിപാടി അറിയുവാൻ https://online.fliphtml5.com/syymr/yzii/ Registration വേദോപനിഷത്തുകൾ വിജ്ഞാനവിചാരസദസ്സിന്റെ സുഗമമായ നടത്തിപ്പിനും [...]

സനാതനസുധയുടെ ഇംഗ്ലീഷ് പതിപ്പും മലയാളം പതിപ്പും വിതരണം ആരംഭിച്ചിട്ടുണ്ട്... പുസ്തകം ബുക്ക് ചെയ്യാൻ ആഗ്രഹിക്കുന്നവർക്ക് താഴെ കൊടുത്തിരിക്കുന്ന Link ഉപയോഗിക്കാം. നേരിട്ട് ലഭിക്കാൻ മുവാറ്റുപുഴ തിരുവുംപ്ലാവിൽ ക്ഷേത്ര കൗണ്ടറിൽ ബന്ധപ്പെടുക. 1. For SanatanaSudha English https://sanathanaschooloflife.org/product/29770049/SanatanaSudha--English--Dr.-P.V.-Viswanathan-Nampoothiri 2. For സനാതനസുധ മലയാളം https://sanathanaschooloflife.org/product/29769975/സനാതനസുധ--മലയാളം--Dr.-P.V.-Viswanathan-Nampoothiri മുകളിലത്തെ Link ഉപയോഗിക്കാൻ സാധിക്കാത്തവർ താഴെ കൊടുത്തിരിക്കുന്ന അക്കൗണ്ടിലേക്ക് പണം അടച്ച് അഡ്രസ് 8921389705 എന്ന നമ്പറിൽ അറിയിക്കുക. Malayalam verson Rs.900 English Version Rs. 1000 SANATHANA SCHOOL OF LIFE A/c Number : 923020008953001 IFSC : UTIB0002992 Bank & Branch: AXIS Bank Muvattupuzha Gpay number 9048105395 Excerpts from the book SanathanaSudha authored by Dr. P. V. Viswanathan Nampoothiri is available below for reference: https://online.fliphtml5.com/syymr/bnyq/  

എറണാകുളം ജില്ലയിലെ മൂവാറ്റുപുഴ ആനിക്കാട് പ്രവർത്തിക്കുന്ന സനാതന സ്കൂൾ ഓഫ് ലൈഫിൽ കോവിഡ് കാലയളവിൽ ഡോക്ടർ പി. വി. വിശ്വനാഥൻ നമ്പൂതിരി സാർ എടുത്ത ക്ലാസ്സുകളുടെ സമാഹാരമായ സനാതനസുധ എന്ന പുസ്തകം അതർഹിക്കുന്ന തലത്തിലേക്ക് ഉയർന്നു കഴിഞ്ഞു. പതിനായിരങ്ങളെ സാക്ഷിനിറുത്തി കേരളമുഖ്യമന്ത്രിയുൾപ്പെട്ട വിശിഷ്ട വ്യക്തികൾ നിറഞ്ഞ സദസിൽ ബഹുമാനപ്പെട്ട കേരള ഗവർണർ ശ്രീ ആരിഫ് മുഹമ്മദ് ഖാൻ കേരളത്തിന്റെ സമ്മാനമായി ആദരണീയനായ പ്രധാനമന്ത്രിക്ക് ഈ പുസ്തകം സമ്മാനിച്ചപ്പോൾ അത് ഏവർക്കും അഭിമാന നിമിഷങ്ങളായി മാറി ആനിക്കാട് സനാതന സ്കൂൾ ഓഫ് ലൈഫും പത്തനംതിട്ട കേന്ദ്രീകരിച്ചു പ്രവർത്തിക്കുന്ന ഗീത പ്രചാരക് സമതിയും കോട്ടയം സ്വാമിയാർ മഠത്തോട് ചേർന്നുള്ള പ്രസരം സംസ്കൃത സമാജവും ചേർന്നാണ് ആ ക്ലാസ്സുകൾ സംഘടിപ്പിച്ചിരുന്നത്. പഠിതാക്കളുടെ ആഗ്രഹമായിരുന്നു തങ്ങൾക്ക് ലഭിച്ച അറിവുകൾ പുസ്തകമാക്കണം എന്നത്, ഒരു വർഷം മുൻപ് അവർ അത് സാധിച്ചു, സനാതന സ്കൂളിലെ പഠിതാവും വിശ്വനാഥൻ സാറിന്റെ ശിഷ്യൻ ആയിരുന്ന സൂര്യൻ അയ്യർ ആണ് സനാതന സുധ .ഇംഗ്ലീഷിലേക്ക് [...]

ഡോ. പി. വി. വിശ്വനാഥൻ നമ്പൂതിരി രചിച്ച സനാതനസുധ എന്ന ഗ്രന്ഥത്തിന്റെ ഇംഗ്ലീഷ് പതിപ്പ് ബഹുമാനപ്പെട്ട കേരള ഗവർണർ ശ്രീ ആരിഫ് മുഹമ്മദ് ഖാൻ പ്രകാശനം ചെയ്തു. രാജ്ഭവനിൽ വച്ച് നടന്ന ചടങ്ങിൽ പുസ്തകത്തിന്റെ ആദ്യപ്രതി ആദരണീയയായ അശ്വതിതിരുനാൾ ഗൗരി ലക്ഷ്മിഭായി തമ്പുരാട്ടിക്ക് നൽകിയാണ് പ്രകാശനം നിർവഹിച്ചത്. ശ്രീ സൂര്യൻ അയ്യർ പനമണ്ണ ആണ് ഇംഗ്ലീഷ് പരിഭാഷ നിർവഹിച്ചത്. മൂവാറ്റുപുഴ സനാതന സ്കൂൾ ഓഫ് ലൈഫും ഗീതാ പ്രചാരക സമിതിയും സംയുക്തമായി ലോക്ക് ഡൗൺ കാലത്ത് ആരംഭിച്ച സനാതന ധർമ്മപരിചയം ക്ലാസ്സുകളുടെ പുസ്തകരൂപമാണ് 900 പേജുകൾ ഉള്ള സനാതനസുധ കോട്ടയം തൃക്കൈക്കാട്ട് സ്വാമിയാർ മഠത്തിലെ പ്രസരം പബ്ലിക്കേഷൻസ് ആണ് പ്രസാധകർ. മൂവാറ്റുപുഴ സനാതന സ്കൂൾ ഓഫ് ലൈഫ് , ഗീതാപ്രചാരക സമിതി, തൃക്കൈക്കാട്ട് സ്വാമിയാർ മഠം പ്രതിനിധികളും ചടങ്ങിൽ പങ്കെടുത്തു. ഗ്രന്ഥകർത്താവിനെയും പരിഭാഷകനെയും ഇതിനായി പ്രയത്നിച്ച പ്രസാധകസമിതിയെയും ഗവർണർ അഭിനന്ദിച്ചു.

നവരാത്രി ആചരണങ്ങളുടെ ഭാഗമായി ആനിക്കാട് തിരുവുംപ്ലാവിൽ മഹാദേവ ക്ഷേത്രത്തിൽ ആണ്ടുതോറും നടത്തിവരാറുള്ള വിദ്യാർത്ഥികൾക്കായുള്ള നവരാത്രി വ്രതാചരണ പദ്ധതി, ദുർഗാഷ്ടമി പൂജവെയ്പ്, മഹാനവമി, വിജയദശമി പൂജയെടുപ്പ്, വിദ്യാരംഭം മുതലായവ 2021 ഒക്ടോബർ 7 വ്യാഴാഴ്ച മുതൽ 15 വെള്ളിയാഴ്ച വരെയുള്ള തീയതികളിൽ കോവിഡ് മാനദണ്ഡങ്ങൾ പാലിച്ച് നടത്തുന്നതാണ്. നവരാത്രി ആരംഭം- ഒക്ടോബർ 7 പൂജവയ്പ് ഒക്ടോബർ 13 വൈകുന്നേരം 5 മണിക്ക്. മഹാനവമി വിശേഷാൽ പൂജകൾ, ആയുധപൂജ, ഒക്ടോബർ 14  വ്യാഴാഴ്ച രാവിലെ 7 മുതൽ 9 :30 വരെയും വൈകുന്നേരം 6 മുതൽ 7 വരെയും പൂജയെടുപ്പ്, വിദ്യാരംഭം ഒക്ടോബർ 15 വെള്ളിയാഴ്ച രാവിലെ 7.30 മുതൽ ആരംഭിക്കും. ഭക്തജനങ്ങളുടെ പ്രത്യേക ശ്രദ്ധയ്ക്ക് 1. വിദ്യാർത്ഥികൾക്ക് സേവിക്കുന്നതിനുള്ള ജപിച്ച ബ്രഹ്മീഘൃതം ഒക്ടോബർ 6 ബുധനാഴ്ച മുതൽ ക്ഷേത്രത്തിൽ നിന്നും ലഭിക്കുന്നതാണ്. 2. നവരാത്രി വ്രതാചരണത്തിന്റെ ഭാഗമായി രാവിലെ 7 മുതൽ 8 വരെ വിദ്യാർത്ഥികൾക്കായി ഓൺലൈൻ മാധ്യമത്തിലൂടെ നടത്തുന്ന നാമജപം [...]

"തീർത്ഥം" വാർഷിക അനുഷ്ഠാന സൂചിക ഗുരുപൂർണിമ ദിനത്തിൽ പ്രകാശനം ചെയ്തു. കോപ്പികൾ തിരുവുംപ്ലാവിൽ ക്ഷേത്ര കൗണ്ടറിൽ നിന്നോ താഴെ കൊടുത്തിരിക്കുന്ന ലിങ്ക് വഴിയോ ലഭിക്കും https://bit.ly/3knpw2S "തീർത്ഥം" എന്ന പേരിൽ ഒരു വാർഷിക അനുഷ്ഠാന സൂചിക കഴിഞ്ഞ 11 വര്ഷങ്ങളായി മൂവാറ്റുപുഴ തിരുവുംപ്ലാവിൽ ദേവസ്വം സനാതന സ്കൂൾ ഓഫ് ലൈഫ് പ്രസിദ്ധീകരിച്ചു വരുന്നു. ഒരു വ്യക്തി ജീവിതത്തിൽ സാമാന്യമായി അനുഷ്ഠിക്കേണ്ട ആചാരങ്ങൾ അനുഷ്ഠാനങ്ങൾ ധർമ്മങ്ങൾ എന്നിവ യഥാവിധി അനുഷ്ഠിക്കുവാൻ സഹായകമാണ് തീർത്ഥം വാർഷിക അനുഷ്ഠാന സൂചിക. പിറന്നാൾ , ശ്രാദ്ധം എന്നിവയുടെ ആചരണം എങ്ങനെയെന്ന് ഏതൊരു വ്യക്തിയും നിശ്ചയമായും അറിഞ്ഞിരിക്കേണ്ടതാണ്. എന്നാൽ പലപ്പോഴും തങ്ങളുടെ ജന്മനക്ഷത്രം അറിഞ്ഞാൽ പോലും പിറന്നാളെന്നാണ് എന്ന് പലരും അറിയാതെ പോകുന്നു. സൗകര്യപൂർവം ഇംഗ്ലീഷ് കലണ്ടർ അനുസരിച്ചുള്ള ജനനത്തീയതി (Date of Birth ) ആഘോഷിക്കുന്നതായാണ് കണ്ടുവരുന്നത്. എന്നാൽ ജന്മനക്ഷത്രപ്രകാരം പിറന്നാൾ ആചരിക്കുന്നതിന്റെ പ്രത്യേകതയും പ്രാധാന്യവും "തീർത്ഥ" ത്തിൽ വ്യക്തമാക്കുന്നുണ്ട്. ശ്രാദ്ധത്തിന്റെ കാര്യവും അങ്ങനെതന്നെ. നമ്മുടെ പൂർവികർക്കായി ശ്രദ്ധാപൂർവം [...]

നമോ ധർമ്മായ - വാല്മീകി രാമായണ സ്വാദ്ധ്യായം ജൂലൈ 19 ന് ആരംഭിച്ചു. തിങ്കൾ മുതൽ വെള്ളി വരെ രാത്രി 9 ന് ആരംഭിക്കുന്ന 30 മിനിറ്റ് സ്വാദ്ധ്യായം നയിക്കുന്നത് ബ്രഹ്മശ്രീ അരുണൻ ഇരളിയൂർ അവർകളാണ്. സ്വാദ്ധ്യായം സുഗമമായി നടത്തുന്നതിനും പഠിതാക്കൾക്ക് അതത് ദിവസത്തെ ഭാഗങ്ങൾ യഥാസമയം ലഭ്യമാക്കുന്നതിനും വേണ്ടി സജ്ജമാക്കിയിട്ടുള്ള വാട്ട്സാപ്പ് ഗ്രൂപ്പിൽ അംഗമാകുന്നവർക്ക് നേരിട്ട് Zoom വഴി ക്ലാസുകൾ ലഭ്യമാക്കും. ആദ്യം ചേരുന്ന 500 പേർക്കാണ് ഈ സൗകര്യം ലഭിക്കുക. കൂടുതലായി ചേരുന്നവർക്ക് Youtube Live വഴിയും പങ്കെടുക്കാം ഈ സ്വാദ്ധ്യായ പരിപാടിയുടെ ഭാഗമാകുവാൻ താഴെ കൊടുത്തിരിക്കുന്ന ലിങ്ക് ഉപയോഗിച്ച് ഗ്രൂപ്പിൽ അംഗമാവുക https://bit.ly/3AWXPUu വാല്‌മീകി രാമായണ സ്വാധ്യായ മുൻവിഡിയോകൾ താഴെ കൊടുത്തിരിക്കുന്ന പ്ലേലിസ്റ്റ് വഴി ലഭിക്കും.